في أوقات كتير ال واحد ممكن بيحس انو مقصر في حاجات معينة, يعني مثلا: في حق حد بيحبه و بيخاف عليه أكثر من نفسه, حد بيساعده في أنو يبقي دايما كويس في حياته: بيساعد غيره, يعمل الصح, بيوضحلو الطريق الصح اللي ممكن يمشي فيه علشان يوصل لهدفه.
بس للأسف أغلب الوقت الواحد ده بيقي مش واخد باله كويس أو حاجات تانيه بتلهيه ، حاجات ممكن تكون مهمة بس هي مش أهم من أنه برضه يبص لقدام، و يعرف أن الدنيا ديه مش باقيه لحد، و انه مهم أوي يعمل لأخرته. محدش فينا ضامن عمره، الموت مش بيفرق بين صغير أو كبير.
يا تري ليه بنخاف دايما من سيرة الموت، و أول لما بس حد ينطق الكلمة ديه نقول بعد الشر و نغير الموضوع عاطول, يمكن دايما بنحس أنه موضوع كئيب علشان فكرة الفراق: فكرة اننا فجأة بنلاقي حد بنحبه خلاص مبقاش موجود و لا حنشوفه تاني و لا عارفين هو يا تري في منزلة كويسة و لا لأ، يا تري ربنا راضي عنه و لا لأ, يا تري نفسه يقولنا حاجه معينة علشان نعملها قبل ما نموت، يا تري ندمان علي حياته أنها عدت كده من غير ما يعرف هو فعلا عمل حاجة فيها منفعة ليه و لغيره.
بس يمكن بنخاف أكثر من السيرة ديه لأننا بنحس أننا مقصرين: في علاقتنا بربنا، في اهتمامنا بدينا و فهمنا له صح، بنخاف أننا نواجهه و بنبأاش عارفين نقوله احنا ضعينا عمرنا في ايه؟ و هل يا تري عملنا حاجه لديننا؟
كل واحد فينا فيه الكويس و الوحش، محدش ملاك و لا من غير أخطاء بس المهم اننا نعرف غلطنا و نحاول نصلحه بسرعة قبل فوات الأوان.
و بعدين مش يمكن الموت اللي بنقول عليه ده"بعد الشر" ما يكنش شر أصلا، يكون أحسن بكتير من حياتنا اللي احنا عايشنها ديه، يمكن يكون فيه راحة بجد، يمكن يعرفنا الناس كانوا بيحبونا بجد و لا بيمثلوا علينا، يمكن وقتها مش حتفرق أوي لأن خلاص استحاله نشوف الناس دوول تاني، بس علي الأقل حنعرف احنا سيبنا علامة أو عمل صالح ورانا و لا لأ.
الأول كنت و لا زالت بتأثر لو سمعت ان حد أعرفه أو حتي معرفوش مات، بس بعد كده، بقيت بحس انها رسالة من عند ربنا بينبهنا كل شويه بيها اننا نتعظ و ناخد بالنا ان الدنيا ديه فانيه و في أي وقت ممكن يحصل أي حاجة.
الموت موعظة لينا كلنا، بيخلينا دايما نبقي عايزين ربنا يرضي عننا، و يخلينا دايما نحاول نغير من نفسنا، يمكن يكون الكلام ده كئيب بالنسبة لناس كتير و يقولوا "يا شيخه ايه الموضوع ده متغيري السيرة ديه"، بس انا بقول ان الموت لازم حاجة نفضل نفكر فيها و نحطها قدامنا علشان دايما كل لما ما نيجي نتغر شويه أو ننسي ربنا، نفتكر علطول ان أهم حاجة في الدنيا ديه اننا نرضي ربنا و نحقق الهدف اللي ربنا خلقنا علشانه.
سارة عثمان
بس للأسف أغلب الوقت الواحد ده بيقي مش واخد باله كويس أو حاجات تانيه بتلهيه ، حاجات ممكن تكون مهمة بس هي مش أهم من أنه برضه يبص لقدام، و يعرف أن الدنيا ديه مش باقيه لحد، و انه مهم أوي يعمل لأخرته. محدش فينا ضامن عمره، الموت مش بيفرق بين صغير أو كبير.
يا تري ليه بنخاف دايما من سيرة الموت، و أول لما بس حد ينطق الكلمة ديه نقول بعد الشر و نغير الموضوع عاطول, يمكن دايما بنحس أنه موضوع كئيب علشان فكرة الفراق: فكرة اننا فجأة بنلاقي حد بنحبه خلاص مبقاش موجود و لا حنشوفه تاني و لا عارفين هو يا تري في منزلة كويسة و لا لأ، يا تري ربنا راضي عنه و لا لأ, يا تري نفسه يقولنا حاجه معينة علشان نعملها قبل ما نموت، يا تري ندمان علي حياته أنها عدت كده من غير ما يعرف هو فعلا عمل حاجة فيها منفعة ليه و لغيره.
بس يمكن بنخاف أكثر من السيرة ديه لأننا بنحس أننا مقصرين: في علاقتنا بربنا، في اهتمامنا بدينا و فهمنا له صح، بنخاف أننا نواجهه و بنبأاش عارفين نقوله احنا ضعينا عمرنا في ايه؟ و هل يا تري عملنا حاجه لديننا؟
كل واحد فينا فيه الكويس و الوحش، محدش ملاك و لا من غير أخطاء بس المهم اننا نعرف غلطنا و نحاول نصلحه بسرعة قبل فوات الأوان.
و بعدين مش يمكن الموت اللي بنقول عليه ده"بعد الشر" ما يكنش شر أصلا، يكون أحسن بكتير من حياتنا اللي احنا عايشنها ديه، يمكن يكون فيه راحة بجد، يمكن يعرفنا الناس كانوا بيحبونا بجد و لا بيمثلوا علينا، يمكن وقتها مش حتفرق أوي لأن خلاص استحاله نشوف الناس دوول تاني، بس علي الأقل حنعرف احنا سيبنا علامة أو عمل صالح ورانا و لا لأ.
الأول كنت و لا زالت بتأثر لو سمعت ان حد أعرفه أو حتي معرفوش مات، بس بعد كده، بقيت بحس انها رسالة من عند ربنا بينبهنا كل شويه بيها اننا نتعظ و ناخد بالنا ان الدنيا ديه فانيه و في أي وقت ممكن يحصل أي حاجة.
الموت موعظة لينا كلنا، بيخلينا دايما نبقي عايزين ربنا يرضي عننا، و يخلينا دايما نحاول نغير من نفسنا، يمكن يكون الكلام ده كئيب بالنسبة لناس كتير و يقولوا "يا شيخه ايه الموضوع ده متغيري السيرة ديه"، بس انا بقول ان الموت لازم حاجة نفضل نفكر فيها و نحطها قدامنا علشان دايما كل لما ما نيجي نتغر شويه أو ننسي ربنا، نفتكر علطول ان أهم حاجة في الدنيا ديه اننا نرضي ربنا و نحقق الهدف اللي ربنا خلقنا علشانه.
سارة عثمان
Comments